Қазақстанға белгілі әнші, композитор Марат Омаров өзінің бір сұхбатында әлем жұлдызына айналған Димаш Құдайбергенге ерекше ұсыныс айтты, – деп хабарлайды Azatmedia.kz ақпараттық порталы.
Бүгінде Димаш Құдайбергеннің есімі әлемге белгілі. Еліміздегі өнер саласының аға буыны, «Coronavirus ket-ket» әнінің авторы Марат Омаров Димашқа өз ұсынысын сұхбат арқылы жеткізді.
«Димашқа айтып баршы, әке шешесіне де. Біз қазақ – рухы биік иманы күшті қазақпыз ғой. Соның ішінен жарқырап суырылып шыққан Димаш бүкіл әлемді таңғалдырып жатыр. Сол Димашқа айтар кішкентай ұсынысым бар. Егер де сол диапазонымен, мұсылманшылдық тұғырда еліміздің амандығын тілеп азан шақырса деген арманым бар. Сонда бүкіл арабтар, бүкіл әлем, бүкіл дүние жүзі имандылыққа келер және ой салар еді, сол – менің арманым»- деді Марат Омаров.
