Ең ауыр кезеңнен өттік. Денсаулық сақтау министрлігіндегілер елдегі коронавирус жағдайын қатысты осылай деп мәлімдеді деп хабаралайды ktk.kz
Қазір Қазақстанда Ковид-19 бойынша көрсеткіш едәуір төмендеген.Дегенмен арқаны кеңге салуға әлі ерте. Эпидемиологтар санитарлық талапты әлі де қатаң сақтауға шақырады. Ауру айылын жиғанымен, әр азамат сақтанбаса, көрсеткіштің қайтадан күрт өсуі ықтимал. Өткен тәулікте елде 741 азаматты осы дерт дендегені белгілі болды. Ал осы уақытқа дейін коронавирус жұқтырғандардың саны 100 мыңға жуықтады. Оның 72 мың 523-і айыққанмен, өкінішке қарай, 1058 адам бақилық болды. Ал Ковид-19-дың белгілері бар пневмониямен 13 мың 280 адам ауырып, оның 164-і көз жұмған.
Бағдат Қожахметов, ҚР Денсаулық сақтау министрлігінің ресми өкілі:
– Жеткен жетістікке қуанып, босаңсуға болмайды. Ендігі міндетіміз індетті жұқтыру мен одан әрі болып жатқан өлімдерді тоқтату. Осы ретте барша қазақстандықтарға санитарлық ережелерді айттырмай орындауға шақырамын!
